Tíminn líður hratt á gervihnattaöld

Ótrúlegt hvað tíminn líður alltaf hratt. Nú er varla hálft ár þangað til við flytjum til London, herinn er að fara af landinu og bara 83 dagar í að við förum Mallorka!!!
Það hafa nú verið litlar framfarir á London flutningnum undanfarið en er það ekki með þetta eins og allt annað að það gerist allt í einu og maður er engan veginn tilbúin þó svo að maður hafi haft slatta af tíma til að gera sig kláran :-þ En við vorum nú að skoða heimasíður um daginn og sjá hvað það sem við þurfum að kaupa okkur mun kosta...líklegast nýtt rúm, pottþétt svefnsófa og ef til vill slatta af vindsængum ;-), svo þarf að kaupa skrifborð og stól og bóka hillur. Restina látum við senda okkur. Við sem sagt þurfum að kaupa eiginlega öll húsgögn. Við ætlum samt að kanna hvort það borgi sig að taka einhver húsgögn með okkur en ég efa það stórlega þó svo ég gagni í Síne og fái afslátt. En það er ekkert smá gaman að gramsa á þessum húsgagna síðum og sjá hvað manni langar í. Fyndið hvað við Gaui höfum líkan smekk en svo allt í einu getum við ekki verið meira ósammála um eitthvað eitt :-þ hehe Svo er náttúrulega erfitt að spá fyrir alvöru hvað við tökum með okkur núna afþví við vitum ekki hvernig íbúð við fáum og það vitum við væntanlega ekki fyrr en í maí eða seinna....en skólarnir mega nú alveg fara að svara !!! Mér finnst mjög púkalegt að þeir hafi alveg fram í maí til að svara. Ég og Gaui ætlum að flytja út sama þó ég komist ekki inn en hvað með fólk sem ætlar sér ekki að gera það og hefur þá bara 3 mánuði til að koma öllu í stand og það 3 sumarmánuði þar sem endalaust af fríum og látum geta tafið skriffinsku. Mér þykir þetta frekar púkó to say the least!!! En maður sigrar ekki kerfið með að tuða á bloggsíðu þannig að ég held ég látið það bara vera í bili.

já og herinn er að fara frá landinu. Ég hef nú aldrei verið hersetuandstæðingur og hef alltaf verið frekar hlint því að hafa hann hér. Ólst nú upp við Keflavíkurveginn og varð vitni af hinum árlegu "Ísland úr Nato og herinn burt" göngum frá Keflavík í bæjinn. Mér hefur aldrei fundist við fá eitthvað óvenjulega neikvæða athygli frá útlöndum vegna hersetunar, frekar hefur mér þótt ríkistjórnin oft vera okkur til skammar eins og þegar þessi frægi listi hinna staðföstuþjóða og margt fleira. Svo er það bara staðreynd að í heiminum í dag þarf að vera viss vörn gegn utan að komandi ógn, þó að hún sé ekki mikil þá verður það að vera samt sem áður og ég tel að íslendingar séu ekki nógu stór þjóð til að halda uppi góðum her. En kannski er það bara það sem þarf hérna. Íslenskir karlmenn fara tildæmis, margir hverjir, allir í hnút þegar þeir sjá hermenn af vellinum og reyna að lenda í slagsmálum líklegast til þess að sanna að þeir geti lúskrað á hermönnum en oftar en ekki lenda þeir á slysó og væla um hvað hermennernir eru vondir. Þannig að kannski myndi það auka sjálfstraust hjá karlpeningnum ef þeir hefðu þann valkost að ganga í herinn. Æi hvað maður er klikkaður

Skellti mér í bíó í gær :-) Fórum með Borgar á Blóðbönd sem var bara alveg þræl fín :-) mjög góð bara :)